સોના કરતાં ઘડામણ મોંઘી આને કહેવાય- ઓનલાઈન થેપલા ઓર્ડર કરવા પડ્યા મોંઘા, ટ્વિટર પર બિલની કોપી થઈ વાયરલ

કલ્પના કરો કે તમે ઓનલાઈન ફૂડ ઓર્ડર કર્યો છે અને જે કન્ટેનરમાં ફૂડ પેક કરવામાં આવ્યું હતું તેના માટે તેટલી જ રકમ ચૂકવવી પડી, તમને કેવું લાગશે. આ વાત કોઈને પણ પરેશાન કરે તે સ્વાભાવિક છે. આવું જ કંઈક અમદાવાદમાં એક મહિલા સાથે થયું. મહિલાએ ઝોમેટો દ્વારા રેસ્ટોરન્ટમાંથી 60 રૂપિયાની કિંમતની થપ્લાની ત્રણ પ્લેટ મંગાવી હતી, પરંતુ જ્યારે તેણે બિલ ચેક કર્યું તો તે ચોંકી ગઈ. બિલ જોઈને તેને ખબર પડી કે તેની પાસેથી ફૂડ કન્ટેનર માટે 60 રૂપિયા લેવામાં આવ્યા છે.

ટ્વીટર પર બિલની તસવીર શેર કરતા ખુશ્બુ ઠક્કર નામના આ ટ્વિટર યુઝરે કેપ્શનમાં લખ્યું કે, ‘કન્ટેનરનો ચાર્જ મેં ઓર્ડર કરેલી વસ્તુની બરાબર છે. કન્ટેનર ચાર્જ માટે ₹60 ગંભીરતાથી?’ બિલ મુજબ થેપલાની દરેક પ્લેટ 60 રૂપિયા હતી અને કન્ટેનરનો ચાર્જ પણ 60 રૂપિયા હતો.

Zomato નો જવાબ

Zomatoએ આ મહિલાના ટ્વિટનો જવાબ આપ્યો અને કહ્યું, ‘હાય ખુશ્બૂ, ટેક્સ સાર્વત્રિક છે અને ખોરાકના પ્રકાર પર આધાર રાખીને 5 ટકાથી 18 ટકા સુધી બદલાય છે. પેકેજિંગ ચાર્જ અમારા રેસ્ટોરન્ટના ભાગીદારો દ્વારા વસૂલવામાં આવે છે, જેઓ પ્રેક્ટિસનો અમલ કરે છે અને તેમાંથી કમાણી કરે છે. આના જવાબમાં ખુશ્બુએ લખ્યું, ‘મને ₹60 કન્ટેનર ચાર્જ વધુ પડતો અને અયોગ્ય લાગે છે. શું ગ્રાહકોને કોઈ વધારાના ખર્ચ વિના કન્ટેનર આપવાની જવાબદારી રેસ્ટોરન્ટની ન હોવી જોઈએ?’

અહીં પોસ્ટ જુઓ