ફિલ્મ અભિનેતા પ્રભાસ ફક્ત સાઉથમાં જ નહીં, પરંતુ ભારતીય સિનેમાના મોટા સ્ટાર્સમાંથી એક છે. તેણે બાહુબલી જેવી બ્લોગબસ્ટર ફિલ્મ કરી છે, જેણે બોક્સઑફિસ પર કમાણીના દરેક રેકોર્ડ તોડી નાખ્યા છે. તેની ફિલ્મોથી કરોડોની કમાણી થાય છે અને તેણે ઈટલીમાં પોતાની આવકમાંથી રોકાણ પણ કર્યું છે. તેણે અહીં એક વિલા ખરીદ્યો છે અને તેને ભાડે આપી દીધો છે. તેના કારણે તેને દર મહિને લગભગ ૪૦ લાખ રૂપિયાની ભાડાની આવક મળે છે. એવું પણ જાણવા મળી રહ્યું છે કે, પ્રભાસે ‘આદિપુરૂષ’ માટે લગભગ ૧૫૦ કરોડ રૂપિયાની ફી લીધી છે. એજ રિજનલ મીડિયા રિપોર્ટ અનુસાર, પ્રભાસે પોતાની કમાણીનો કેટલોક ભાગ ઈટાલીમાં રોકાણ કર્યો છે.
તેણે અહીં એક મોટો વિલા ખરીદ્યો છે. જ્યારે પણ તેને શૂટિંગમાંથી બ્રેક મળે છે તો તે અહીં મિત્રો સાથે સમય પસાર કરે છે. જ્યારે તે વ્યસ્ત હોય છે તો તે પોતાના વિલાને પ્રવાસન અને સ્થાનિક લોકોને ભાડે આપી દે છે, જેના કારણે તેને માસિક ૪૦ લાખ રૂપિયાનું ભાડું પણ મળે છે. પ્રભાસની ફિલ્મ આદિપુરૂષની વાત કરીએ તો, આ ફિલ્મને મિશ્ર પ્રતિસાહ મળી રહ્યો છે. એડવાન્સ બૂકિંગના કારણે પહેલા જ સપ્તાહમાં સારી કમાણી થઈ હતી, પરંતુ હવે તેની કમાણીમાં ઘટાડો થઈ રહ્યો છે. તેની છેલ્લી ૨ ફિલ્મો રાધે શ્યામ અને સાહો પણ ફ્લોપ રહી હતી. તેમ છતાં તે ભારતના સૌથી મોટા સ્ટાર્સમાંથી એક છે. પ્રભાસની પાસે અત્યારે પણ અનેક પેન ઇન્ડિયા રિલીઝ ફિલ્મો છે. તેની પાસે સાલાર ફિલ્મ છે, જે આ જ વર્ષે ૨૮ સપ્ટેમ્બરે રિલીઝ થશે. આ ઉપરાંત તેની પાસે ‘પ્રોજેક્ટ કે’ પણ છે. ઉપરાંત તે સ્પિરીટ અને રાજા ડિલક્સમાં પણ જાેવા મળશે.
