શ્રેયંકા પાટિલ અને મન્નતત કશ્યપના જાદુને કારણે ભારતે બુધવારે બાંગ્લાદેશને ફાઈનલમાં ૩૧ રનથી હરાવી મહિલા ઈમર્જિંગ એશિયા ટી-૨૦નો ખિતાબ પોતાના નામે કર્યોછે. ભારતે ટોસ જીતીને પ્રથમ બેટિંગ પસંદ કરીને ૭ વિકેટ ગુમાવીને ૧૨૭ રનનો ટાર્ગેટ આપ્યો હતો. ત્યારબાદ બોલિંગમાં શ્રેયંકાએ (૧૩ રનમાં ચાર વિકેટ) અને મન્નતે (૨૦ રન આપીને ત્રણ વિકેટ) ઝડપીને બાંગ્લાદેશને ૧૯.૨ ઓવરમાં ૯૬ રન પર સમેટી લીધી હતી. ઓફ સ્પિનર કનિકા આહુબાએ પણ ૨૩ રન આપીને બે વિકેટ ઝડપી લીધી હતી.
શ્રેયંકા, મન્નત અને કનિકાની સ્પિનર તિકડીએ મિશન રોડ ગ્રાઉન્ડની ધીમી પિચ પર બાંગ્લાદેશના બેસ્ટમેનોને કોઈ ચાન્સ આપ્યો ન હતો. નાહિદ અખ્તરે બાંગ્લાદેશ તરફથી સૌથી વધુ ૧૭ રન બનાવ્યા હતા, જ્યારે શોભના મોસ્તરીએ ૧૬ રન બનાવ્યા હતા. આ પહેલા દિનેશ વૃંદાએ ૨૯ બોલમાં ૩૬ રન બનાવીને ભારત તરફથી સૌથી રન બનાવનાર ખેલાડી હતી. ત્યારબાદ કનિકાએ ૨૩ બોલમાં ૩૦ રન બનાવ્યા હતા. બાંગ્લાદેશના બોલરોએ ભારતની વિકેટે લઈને ભારતીય ખેલાડીઓ પર દબાણ ઉભુ કર્યુ હતુ. વૃંદા અને કનિકા સિવાય ભારત તરફથી વિકેટ કીપર યૂ છેત્રીએ ૨૨ રન અને કેપ્ટન રહરાવતે ૧૩ રન બનાવ્યા હતા. બાંગ્લાદેશ તરફથી સ્પિનર નાહિદાએ ૧૩ રન આપીને બે વિકેટ અને સ્પિનર સુલ્તાના ખાતૂને ૨૦ રન આપીને ૨ વિકેટ ઝડપી લીધી હતી. ભારત અને શ્રીલંકા સામે મંગળવારે સેમી ફાઈનલની મેચ રમાવાની હતી જાે કે, વરસાદને કારણે આ મેચ કેન્સલ થઈ હતી અને મળેલા પોઈન્ટને કારણે ભારત ફાઈનલમાં પહોંચી હતી. ટીમ ઈન્ડિયાની આ ટૂર્નામેન્ટમાં જે પહેલી મેચ હતી તે મેચને નવ વિકેટથી જીતી હતી. આ બાદ શ્રીલંકા સામે સેમીફાઈનલ સહિત ભારતની ત્રણ મેચ વરસાદને કારણે રદ થઈ હતી. આખી ટૂર્નામેન્ટની આઠ મેચ વરસાદને કારણે રમાઈ હતી નહીં.
ભારત સામે બાંગ્લાદેશનો પરાજય ભારતીય મહિલા ટીમે અંડર ૨૩માં એશિયા ઈમર્જિંગ કપ જીતી લીધો
