સ્થાનિક શેરબજારો આજે તેજી સાથે બંધ થયા છે. બીએસઈસેન્સેક્સ ૬૩.૭૨ પોઈન્ટ એટલે કે ૦.૧૦ ટકાના વધારા સાથે ૬૫,૩૪૪.૧૭ પોઈન્ટના સ્તર પર બંધ થયો હતો. તેવી જ રીતે,નિફ્ટી ૩૩.૪૫ પોઈન્ટ એટલે કે ૦.૧૭%ના વધારા સાથે તે ૧૯,૩૬૫.૨૫ પોઈન્ટના સ્તરે બંધ રહ્યો હતો. રિલાયન્સ ઇન્ડસ્ટ્રીઝનો શેર નિફ્ટીમાં ૩.૯૮ ટકાના વધારા સાથે બંધ થયો હતો. એ જ રીતે ટાટા સ્ટીલ અને જેએસડબલ્યુ સ્ટીલના શેર પણ ઉછાળા સાથે બંધ થયા હતા.મેટલ સિવાય અન્ય તમામ ક્ષેત્રીય સૂચકાંકો લાલ નિશાન સાથે બંધ થયા છે. મેટલ ઇન્ડેક્સ ૧.૮ ટકાના ઉછાળા સાથે બંધ રહ્યો હતો. બીએસઈમિડકેપ ઈન્ડેક્સ ૦.૪૫ ટકા અને સ્મોલકેપ ઈન્ડેક્સ ૦.૨૫ ટકા ઘટીને બંધ થયા છે.
સેન્સેક્સ પર રિલાયન્સ ઇન્ડસ્ટ્રીઝનો શેર આજે ૩.૭૮ ટકાના વધારા સાથે બંધ રહ્યો હતો. એ જ રીતે ટાટા સ્ટીલ, ભારતી એરટેલ, સન ફાર્મા, ઇન્ડસઇન્ડ બેન્ક, કોટક મહિન્દ્રા બેન્ક, આઈસીઆઈસીઆઈબેન્ક, ટાટા મોટર્સ અને અલ્ટ્રાટેક સિમેન્ટના શેર લીલા નિશાન સાથે બંધ થયા હતા.
એચસીએલટેક સેન્સેક્સ પર ૨.૯૪ ટકાના નુકસાન સાથે સૌથી વધુ બંધ રહ્યો હતો. તેવી જ રીતે, ટાઇટન ૨.૯૧%, પાવરગ્રીડ ૨.૧૧%, વિપ્રો ૧.૫૩%, ટીસીએસ ૧.૫૨%, એચયુએલ ૧.૪૬%, એક્સિસ બેંક ૧.૩૬%, નેસ્લે ઈન્ડિયા ૧.૧૫%, બજાજ ફાઈનાન્સ ૦.૯૬%, મહિન્દ્રા એન્ડ મહિન્દ્રા ૦.૯૬% અને ફાઈનાન્સમાં ૦.૯૬% ટકા જેટલો ઘટાડો થયો છે.
જિયોજિત ફાઇનાન્શિયલ સર્વિસિસના રિસર્ચ હેડ વિનોદ નાયરે જણાવ્યું હતું કે એકંદરે ભારતીય શેરબજારમાં નબળાઈ જાેવા મળી હતી, પરંતુ મુખ્ય શેરોમાં મજબૂત ખરીદીને કારણે શેરબજારો નજીવા વધારા સાથે બંધ થયા હતા.
સૌથી વધુ નબળાઈ આઈટીસેક્ટરમાં જાેવા મળી હતી કારણ કે કંપનીઓની રિઝલ્ટ સિઝન શરૂ થવાની છે અને એવું માનવામાં આવે છે કે આઈટીસેક્ટરની કમાણીના આંકડા બહુ ઊંચા નહીં આવે.
