Air India Express: 77મી સ્વતંત્રતા વર્ષગાંઠના અવસર પર ટાટા ગ્રુપની એરલાઈન એર ઈન્ડિયા એક્સપ્રેસે ફ્રીડમ સેલની જાહેરાત કરી છે. સ્વતંત્રતા દિવસ પહેલા જ એરલાઈન્સ આઝાદીની ઉજવણીમાં સામેલ થઈ ગઈ છે અને મુસાફરોને માત્ર 1947 રૂપિયામાં મુસાફરી કરવાની મોટી તક આપી રહી છે. આ ઓફરનો લાભ લેવા માટે મુસાફરો 5મી ઓગસ્ટ સુધી બુકિંગ કરાવી શકે છે.
આ રૂટ પર ફ્રીડમ સેલ ઓફર ઉપલબ્ધ રહેશે.
એર ઈન્ડિયા એક્સપ્રેસે જણાવ્યું કે આ ઓફર 15 આંતરરાષ્ટ્રીય અને 32 સ્થાનિક રૂટ પર ઉપલબ્ધ છે. તેમાં દિલ્હી-જયપુર, બેંગલુરુ-ગોવા અને દિલ્હી-ગ્વાલિયર જેવા મુખ્ય માર્ગોનો સમાવેશ થાય છે. મુસાફરો આ રૂટ પર આ શાનદાર ઓફરનો લાભ લઈ શકે છે.
બુકિંગ તારીખ
બુકિંગ તારીખએરલાઈને માહિતી આપી હતી કે આ સેલ 5 ઓગસ્ટ, 2024 સુધી ગ્રાહકો માટે લાગુ છે. મુસાફરો 20 ઓગસ્ટથી 30 સપ્ટેમ્બર, 2024 વચ્ચે મુસાફરી માટે બુકિંગ કરાવી શકે છે. ઓફરનો લાભ લેવા માટે, હવાઈ મુસાફરોએ 5 ઓગસ્ટ પહેલા તેમનું બુકિંગ કરાવવું પડશે.
વધારાના લાભો
એર ઇન્ડિયા એક્સપ્રેસ વેબસાઇટ airindiaexpress.com પર બુકિંગ કરતી વખતે ગ્રાહકો એક્સક્લુઝિવ ઝીરો-ચેક-ઇન બેગેજ એક્સપ્રેસ લાઇટ ભાડું પણ મેળવી શકે છે. એક્સપ્રેસ લાઇટ ભાડામાં કોઈ વધારાના ચાર્જ વિના 3 કિલો કેબિન સામાનનું પ્રી-બુકિંગ અને સ્થાનિક ફ્લાઇટ્સ પર 15 કિલોના સામાન માટે ₹1000 અને આંતરરાષ્ટ્રીય ફ્લાઇટ્સ પર 20 કિલોના સામાન માટે ₹1300ના કન્સેશનલ શુલ્કનો પણ સમાવેશ થાય છે.
