Budget 2024
Budget Session: સંસદીય બાબતોના પ્રધાન કિરેન રિજિજુએ માહિતી આપી છે કે બજેટ સત્રનું આયોજન 22 જુલાઈથી 12 ઓગસ્ટની વચ્ચે કરવામાં આવશે. રાષ્ટ્રપતિ દ્રૌપદી મુર્મુ પાસેથી તેની મંજૂરી મળી ગઈ છે.
Budget Session: કેન્દ્ર સરકારે સામાન્ય બજેટ 2024ની તારીખ જાહેર કરી છે. સંસદીય બાબતોના પ્રધાન કિરેન રિજિજુએ શનિવારે કહ્યું કે કેન્દ્ર સરકારે 22 જુલાઈથી 12 ઓગસ્ટ વચ્ચે બજેટ સત્રનું આયોજન કર્યું છે. આ સમય દરમિયાન, બજેટ 2024-25 23 જુલાઈએ રજૂ કરવામાં આવશે. નાણામંત્રી નિર્મલા સીતારમણ સામાન્ય બજેટ રજૂ કરશે.
રાષ્ટ્રપતિ પાસેથી બજેટ સત્રની મંજૂરી મળી
કિરેન રિજિજુએ સોશિયલ મીડિયા પ્લેટફોર્મ પર માહિતી આપી હતી આ દરમિયાન દેશનું બજેટ પણ રજૂ કરવામાં આવશે. લોકસભા ચૂંટણી પહેલા નાણામંત્રી નિર્મલા સીતારમણે ફેબ્રુઆરીમાં વચગાળાનું બજેટ રજૂ કર્યું હતું. આ પહેલા ઘણા મીડિયા રિપોર્ટ્સમાં દાવો કરવામાં આવ્યો હતો કે નાણામંત્રી જુલાઈના અંતિમ સપ્તાહમાં દેશનું બજેટ રજૂ કરી શકે છે. હવે કિરેન રિજિજુએ આ વાતની પુષ્ટિ કરી છે.
Hon’ble President of India, on the recommendation of Government of India, has approved the proposal for summoning of both the Houses of Parliament for the Budget Session, 2024 from 22nd July, 2024 to 12 August, 2024 (Subject to exigencies of Parliamentary Business). Union Budget,…
— Kiren Rijiju (@KirenRijiju) July 6, 2024
નિર્મલા સીતારમણ સતત 7મી વખત બજેટ રજૂ કરશે
નરેન્દ્ર મોદી સરકારના ત્રીજા કાર્યકાળમાં નિર્મલા સીતારમણને ફરીથી નાણામંત્રી બનાવવામાં આવ્યા છે. આ વખતે તે બજેટ રજૂ કરતી વખતે એક નવો રેકોર્ડ બનાવવા જઈ રહી છે. નાણામંત્રી નિર્મલા સીતારમણ સતત 7મી વખત બજેટ રજૂ કરશે. આમ કરનાર તે દેશના પ્રથમ નાણામંત્રી બનશે. આ પહેલા મોરારજી દેસાઈએ સતત છ બજેટ રજૂ કર્યા હતા. અગાઉ, 18મી લોકસભાનું પ્રથમ સંસદ સત્ર 24 જૂનથી શરૂ થઈને 3 જુલાઈ સુધી ચાલ્યું હતું. જો કે, તેમણે 10 બજેટ રજૂ કરવાનો મોરારજી દેસાઈનો રેકોર્ડ તોડવા માટે રાહ જોવી પડશે. પી ચિદમ્બરમ અને પ્રણવ મુખર્જીએ 9 વખત, યશવંત રાવ ચવ્હાણ, સીડી દેશમુખ અને યશવંત સિન્હાએ 7 વખત બજેટ રજૂ કર્યું હતું. મનમોહન સિંહ અને ટી કૃષ્ણમાચારીએ 6 વખત બજેટ રજૂ કર્યું છે.
