Dixon Technologies
ઝોમેટોની જેમ, ઇલેક્ટ્રોનિક્સ મેન્યુફેક્ચરિંગ કંપની ડિક્સન ટેક્નોલોજીસના શેરમાં પણ તાજેતરમાં તીવ્ર ઘટાડો જોવા મળ્યો છે. કંપનીના શેર લગભગ ૧૪ ટકા ઘટીને રૂ. ૧૫૧૩૦ પર બંધ થયા, જે પાછલા સત્રમાં રૂ. ૧૭૫૫૪ પર બંધ થયા હતા.
ડિક્સન ટેક્નોલોજીસે 20 જાન્યુઆરી, 2025 ના રોજ તેના નાણાકીય વર્ષ 2024-25 ક્વાર્ટરના પરિણામો જાહેર કર્યા. આ ક્વાર્ટરમાં કંપનીનો નફો ૧૨૪ ટકા વધીને રૂ. ૨૧૭ કરોડ થયો છે, જે અગાઉના ક્વાર્ટરમાં રૂ. ૯૭ કરોડ હતો. આ ક્વાર્ટરમાં કામગીરીમાંથી આવક પણ વધીને રૂ. ૧૦,૪૬૧ કરોડ થઈ છે જે ગયા વર્ષના સમાન ક્વાર્ટરમાં રૂ. ૪,૮૨૧ કરોડ હતી. આમ છતાં, આ ઉત્તમ પરિણામો પછી પણ શેરમાં પ્રોફિટ બુકિંગ જોવા મળી રહ્યું છે.
ડિક્સન ટેક્નોલોજીસના શેરધારકો માટે મંગળવાર, 21 જાન્યુઆરી, 2025નો દિવસ સારો રહ્યો નહીં, કારણ કે શેરમાં આશરે 13.80%નો ઘટાડો થયો હતો. આ સાથે, કંપનીનું બજાર મૂડીકરણ પણ 1 લાખ કરોડ રૂપિયાથી નીચે આવી ગયું છે, જે આ ઘટાડાનો મોટો સંકેત છે.
જોકે, ઘટાડા છતાં, બ્રોકરેજ હાઉસ મોતીલાલ ઓસ્વાલે ડિક્સન ટેક્નોલોજીસનો સ્ટોક રૂ. 20500 ના લક્ષ્ય ભાવ સાથે ખરીદવાની ભલામણ કરી છે. કંપનીના પ્રભાવશાળી નાણાકીય પરિણામોને જોતાં, આ રોકાણકારો માટે સારી તકનો સંકેત આપી શકે છે.
