Diwali Muhurat Trading
દિવાળીના અવસર પર શેર માર્કેટમાં મુહૂર્ત ટ્રેડિંગની પરંપરા છે અને આ વખતે તે 1 નવેમ્બર 2024ના રોજ થશે. આ દિવસે તમે સામાન્ય દિવસોની જેમ બજારમાં રોકાણ કરી શકો છો, એટલે કે બ્લોક ડીલ સેશન, પ્રી-ઓપન સેશન, રેગ્યુલર માર્કેટ સેશન, ઓક્શન સેશન અને ક્લોઝિંગ સેશન હશે
Diwali Muhurat Trading: જેમણે અગાઉ ક્યારેય મુહૂર્ત ટ્રેડિંગ દરમિયાન રોકાણ કર્યું છે તેઓ સારી રીતે જાણતા હશે કે આ દિવસે રોકાણ કરવું એક અલગ અનુભવ છે, કારણ કે તે માત્ર એક નાણાકીય પ્રવૃત્તિ નથી, પણ તેની સાથે ધાર્મિક અને સાંસ્કૃતિક મહત્વ પણ જોડાયેલું છે. મુહૂર્ત ટ્રેડિંગ સાંજે 6:00 થી 7:00 વાગ્યાની વચ્ચે થશે. જો તમે મુહૂર્ત ટ્રેડિંગમાં સમય રોકાણ કરવાનું વિચારી રહ્યા છો તો ચોક્કસપણે આ સ્ટેપને ફોલો કરો.
રોકાણની યોજના બનાવો
Diwali Muhurat Trading: મુહૂર્ત ટ્રેડિંગ પહેલાં તમારા પોર્ટફોલિયોની સમીક્ષા કરો અને તમે જેમાં રોકાણ કરવા માંગો છો તેની યાદી બનાવો. લાંબા ગાળાના પરિપ્રેક્ષ્યમાં જેમની સંભાવના સારી હોય તેવા શેરોને પસંદ કરો. તમે કેટલું રોકાણ કરવા માંગો છો તે પણ નક્કી કરો. સામાન્ય રીતે લોકો મુહૂર્ત ટ્રેડિંગમાં નાનું રોકાણ કરે છે, પરંતુ તમે તેને તમારા રોકાણની યોજના અનુસાર નક્કી કરી શકો છો.
બજારની વર્તમાન સ્થિતિનું વિશ્લેષણ કરો અને જુઓ કે મુહૂર્ત ટ્રેડિંગ માટે કયા ક્ષેત્રો અથવા શેરો શ્રેષ્ઠ છે. સ્થિરતા અને લાંબા ગાળાની વૃદ્ધિની સંભાવના ધરાવતા શેરો પર ધ્યાન કેન્દ્રિત કરો.
ડીમેટ એકાઉન્ટ તપાસો
જો તમે પહેલાથી ડીમેટ અને ટ્રેડિંગ એકાઉન્ટ ખોલ્યું નથી તો પહેલા તેને ઓપન કરો અને તેની KYC પ્રક્રિયા પૂર્ણ કરો. ઉપરાંત તમારા ટ્રેડિંગ એકાઉન્ટમાં અગાઉથી ફંડ ટ્રાન્સફર કરો જેથી તમે મુહૂર્ત ટ્રેડિંગ દરમિયાન સમયસર રોકાણ કરી શકો.
ડીમેટ એકાઉન્ટ તપાસો
જો તમે પહેલાથી ડીમેટ અને ટ્રેડિંગ એકાઉન્ટ ખોલ્યું નથી તો પહેલા તેને ઓપન કરો અને તેની KYC પ્રક્રિયા પૂર્ણ કરો. ઉપરાંત તમારા ટ્રેડિંગ એકાઉન્ટમાં અગાઉથી ફંડ ટ્રાન્સફર કરો જેથી તમે મુહૂર્ત ટ્રેડિંગ દરમિયાન સમયસર રોકાણ કરી શકો.
ઓર્ડર પ્લેસમેન્ટ
તમે મુહૂર્ત ટ્રેડિંગ માટે અગાઉથી શેર ખરીદવા માટે ઓર્ડર પણ સેટ કરી શકો છો. ઘણા બ્રોકર્સ આ દિવસે પ્રી-સેટ ઓર્ડરની સુવિધા આપે છે જેથી ટ્રેડિંગ શરૂ થતાં જ તમારા ઓર્ડર પર પ્રક્રિયા કરવામાં આવે. મુહૂર્ત ટ્રેડિંગનો સમય માત્ર એક કલાક માટે છે, તેથી તમારે નિર્ણય લેવો પડશે અને સમયની અંદર ઓર્ડર આપવો પડશે. ટ્રેડિંગ શરૂ થાય કે તરત જ તમારો ઓર્ડર પ્લેસ થઇ જાય
સ્માર્ટ રીતે રોકાણ કરો
આ દિવસ ખૂબ જ શુભ માનવામાં આવે છે, તમે નાના રોકાણથી શરૂઆત કરી શકો છો. કેટલાક રોકાણકારો આ દિવસે થોડી માત્રામાં શેર ખરીદે છે અને તેમના નાણાકીય વર્ષની શરૂઆત કરે છે. મુહૂર્ત ટ્રેડિંગ દરમિયાન ખરીદેલા શેરને લાંબા ગાળાના રોકાણ તરીકે રાખવાની યોજના બનાવો.
