Gmail Tips
Gmail Tips: જો તમારું Gmail Inbox બિનજરૂરી ઈ-મેઇલથી ભરાઈ ગયું હોય અને સ્ટોરેજ ફુલ થઈ રહ્યો હોય, તો ચિંતા કરવાની જરૂર નથી. પ્રમોશનલ ઈ-મેઇલ, ન્યૂઝલેટર અને લેણ-દેણની રસીદો તમારા 15GB ફ્રી સ્ટોરેજનો ઉપયોગ કરી શકે છે, જે Google Drive અને Google Photos સાથે શેર થાય છે. જો તમે Gmail સ્ટોરેજ ઝડપથી અને અસરકારક રીતે ખાલી કરવા માંગતા હો, તો અહીં કેટલીક સરળ ટિપ્સ આપવામાં આવી છે, જેના દ્વારા તમે મોટી સંખ્યામાં ઈ-મેઇલ ડિલીટ કરી શકો છો.
જો તમે માર્કેટિંગ અને પ્રમોશનલ ઈ-મેઇલ કાઢી નાખવા માંગતા હો, તો Gmail બ્રાઉઝરમાં ઓપન કરો અને Inbox પર જાઓ. પછી સર્ચ બારમાં ‘Unsubscribe’ ટાઈપ કરીને Enter દબાવો. આ સાથે, તમામ પ્રમોશનલ ઈ-મેઇલની લિસ્ટ ખુલે છે, જેમાં Unsubscribeનો વિકલ્પ હોય છે. ઉપર ડાબી બાજુ ચેકબોક્સ પર ક્લિક કરીને “Select all conversations that match this search” પસંદ કરો અને ટ્રેશ આઈકન દબાવો, જેથી બધા ઈ-મેઇલ ડિલીટ થઈ જશે. તમે Promotions અથવા Social ટેબમાં પણ આ પ્રક્રિયા પુનરાવૃત્તિ કરી શકો છો.
જો તમે ચોક્કસ વ્યક્તિ અથવા સમયગાળાના ઈ-મેઇલ કાઢવા માંગતા હો, તો ચોક્કસ વ્યક્તિના ઈ-મેઇલ માટે from:[email protected] સર્ચ કરો. જો તમે ચોક્કસ વ્યક્તિને મોકલેલા ઈ-મેઇલ ડિલીટ કરવા માંગતા હો, તો to:[email protected] લખો. ચોક્કસ તારીખ પછીના ઈ-મેઇલ કાઢવા માટે after:2023-11-01 સર્ચ કરો (તમે તમારી જરૂર મુજબ તારીખ બદલી શકો). એકથી વધુ સર્ચ ક્વેરી જોડવા માટે from:[email protected] OR to:[email protected] OR after:2023-11-01 લખી શકો. જ્યારે તમે જરૂરી ઈ-મેઇલ ફાઇન્ડ કરી લો, તો બધા ઈ-મેઇલ પસંદ કરીને ટ્રેશ આઈકન દબાવો અને ડિલીટ કરો.
જો ભુલથી ઈ-મેઇલ ડિલીટ થઈ ગયા હોય, તો તે Trash ફોલ્ડરમાં 30 દિવસ સુધી રહે છે. આ સમયગાળામાં તમે Trash ફોલ્ડરમાં જઈને જરૂરી ઈ-મેઇલ રીકવર કરી શકો. જો 30 દિવસ પસાર થઈ ગયા હોય, તો ઈ-મેઇલ હંમેશા માટે ડિલીટ થઈ જશે અને તેને પાછા લાવી શકાશે નહીં. આ ટ્રીકથી તમે તમારું Gmail Inbox સાફ અને વ્યવસ્થિત રાખી શકો છો અને અનાવશ્યક ઈ-મેઇલમાંથી મુક્તિ મેળવી શકો છો.
