Iphone 16
Iphone 16: ભારતમાં iPhoneની માંગ સતત વધી રહી છે. ભારત ટૂંક સમયમાં અમેરિકા અને ચીન પછી વિશ્વનું ત્રીજું સૌથી મોટું iPhone માર્કેટ બની શકે છે. આ સાથે ભારત આઈફોન ઉત્પાદન ક્ષેત્રે પણ ઝડપથી આગળ વધી રહ્યું છે. આ વર્ષે ભારતે iPhone નિકાસમાં ઘણા મહત્વપૂર્ણ રેકોર્ડ બનાવ્યા છે. ભારત ચીન પછી Appleનું બીજું સૌથી મોટું મેન્યુફેક્ચરિંગ હબ બનવા તરફ આગળ વધી રહ્યું છે. અહેવાલો અનુસાર, ભારતમાં આઇફોનનું વેચાણ 2024માં 15 મિલિયન યુનિટ સુધી પહોંચવાનો અંદાજ છે.ભારતમાં આઇફોનની ઝડપથી વધી રહેલી માંગનું એક કારણ ચીનમાં ઘટતો બજાર હિસ્સો છે. Huawei પર લાદવામાં આવેલા નિયંત્રણોને કારણે, ચીનના બજારમાં સ્પર્ધા બદલાઈ રહી છે, જે એપલને ફાયદો આપે છે. કાઉન્ટરપોઈન્ટ રિસર્ચના નવા રિપોર્ટ અનુસાર, 2026 સુધીમાં આઈફોન શિપમેન્ટના સંદર્ભમાં ભારત વિશ્વનું ત્રીજું સૌથી મોટું બજાર બની શકે છે.
હાલમાં, આઇફોન વેચાણની દ્રષ્ટિએ ભારત વિશ્વનું પાંચમું સૌથી મોટું બજાર છે. અમેરિકા પ્રથમ સ્થાને છે, ત્યારબાદ ચીન, જાપાન અને યુકે છે. પરંતુ ભારતમાં iPhoneની માંગ ઝડપથી વધી રહી છે અને 2026 સુધીમાં તેમાં વધુ 20% વધારો થવાની ધારણા છે.
તહેવારોની સિઝન અને વધુ સારા ફાઇનાન્સિંગ વિકલ્પોને કારણે ભારતમાં 2024માં iPhoneના વેચાણમાં મોટો વધારો થયો હતો. Appleએ 2024 ના ત્રીજા ક્વાર્ટરમાં 8.5 મિલિયન યુનિટ્સ મોકલ્યા છે, જે ગયા વર્ષના કુલ શિપમેન્ટ કરતાં વધુ છે. વર્ષના છેલ્લા ક્વાર્ટરમાં અન્ય 4 મિલિયન યુનિટ્સ મોકલવામાં આવે તેવી અપેક્ષા છે. આ રીતે, 2024 માં આઇફોનનું કુલ વેચાણ 12.5 મિલિયન યુનિટ સુધી પહોંચી શકે છે, જે અત્યાર સુધીનો સૌથી વધુ આંકડો હશે.
