International Yoga Day: બરફના પહાડોથી રેતાળ મેદાનો સુધી..સૈનિકોએ કર્યો યોગ.

International Yoga Day:આંતરરાષ્ટ્રીય યોગ દિવસ પર ભારતીય સૈનિકોએ ઊંચાઈવાળા વિસ્તારોમાં યોગ કર્યા હતા. ITBP સૈનિકોએ સિક્કિમના મુગુથાંગ સબ સેક્ટર અને લેહમાં પેંગોંગ ત્સો તળાવના કિનારે યોગ કર્યા છે.

આજે સમગ્ર વિશ્વમાં 10મો આંતરરાષ્ટ્રીય યોગ દિવસ ઉજવવામાં આવી રહ્યો છે. વડાપ્રધાન નરેન્દ્ર મોદીએ શ્રીનગરમાં દાલ તળાવના કિનારે યોગ કર્યા હતા. આંતરરાષ્ટ્રીય યોગ દિવસ પર ભારતીય જવાનોએ બરફીલા પહાડો પર યોગ કર્યા. સિક્કિમના મુગુથાંગ સબ સેક્ટરમાં ITBPના જવાનોએ 15 હજાર ફૂટથી વધુની ઊંચાઈએ યોગ કર્યા છે. ITBPના જવાનોએ લેહના કરજોક અને પેંગોંગ ત્સોમાં પણ યોગ કર્યા છે. આટલી ઊંચાઈએ યોગ કરતા જવાનોના ફોટા અને વીડિયો સામે આવ્યા છે.

સૈનિકોએ બરફીલા શિખરો પર યોગ કર્યા

આંતરરાષ્ટ્રીય યોગ દિવસ પર ભારતીય સેનાના જવાનોએ ઉત્તરીય સરહદ પર બરફીલા શિખરો પર યોગ કર્યા. જ્યાં સૈનિકોએ યોગ કર્યા છે, ત્યાં ચારે તરફ પર્વતો બરફની સફેદ ચાદરથી ઢંકાયેલા જોવા મળે છે.

પૂર્વ લદ્દાખમાં સૈનિકોએ યોગ કર્યા

આંતરરાષ્ટ્રીય યોગ દિવસ પર ભારતીય સેનાના જવાનોએ પૂર્વ લદ્દાખમાં યોગ કર્યા. આ દરમિયાન સૈનિકો તેમની આખી બટાલિયન સાથે જોવા મળ્યા હતા. વિશ્વભરમાં ઉજવાઈ રહેલા આંતરરાષ્ટ્રીય યોગ દિવસ પર સૈનિકોએ દેશના સૌથી ઊંચાઈવાળા વિસ્તારમાં યોગ કર્યા.

પેંગોંગ ત્સો તળાવના કિનારે બાળકોએ યોગ કર્યા

સૈનિકોની સાથે લદ્દાખમાં શાળાના બાળકોએ પેંગોંગ ત્સો તળાવના કિનારે યોગ કર્યા. લાલ શાળાના યુનિફોર્મ પહેરેલા બાળકો એકસાથે વિવિધ યોગાસનો કરતા જોવા મળ્યા હતા. આ દરમિયાન તેમની સાથે શાળાના શિક્ષકો પણ હાજર હતા.