ITR
ITR: સેન્ટ્રલ બોર્ડ ઓફ ડાયરેક્ટ ટેક્સિસ (CBDT) એ મંગળવારે જાહેરાત કરી હતી કે આકારણી વર્ષ 2024-25 માટે વિલંબિત/સંશોધિત આવકવેરા રિટર્ન (ITR) ફાઇલ કરવાની અંતિમ તારીખ લંબાવવામાં આવી છે. હવે નિવાસી વ્યક્તિઓ 15 જાન્યુઆરી, 2025 સુધી તેમનું રિટર્ન ફાઇલ કરી શકશે. આ નિર્ણયથી એવા લોકોને રાહત મળે છે જેઓ 31 ડિસેમ્બર, 2024ની મૂળ સમયમર્યાદા સુધીમાં તેમના ITR ફાઈલ અથવા તેમાં ફેરફાર કરી શક્યા ન હતા.
આવકવેરા વિભાગે ટ્વીટ કરીને આ માહિતી શેર કરી છે. સીબીડીટીએ આવકવેરા અધિનિયમ, 1961ની કલમ 119 હેઠળ તેની સત્તાનો ઉપયોગ કરીને આ સમયમર્યાદા વધારવાનો નિર્ણય કર્યો છે.
લેટ ફી વિગતો
- જો ઓવરડ્યુ રિટર્નની રકમ ₹5 લાખથી ઓછી હોય, તો કરદાતાએ ₹1,000ની ફી ચૂકવવી પડશે.
- ₹5 લાખથી વધુના ટેક્સ રિટર્ન પર ₹5,000ની ફી લાગુ થશે.
ITR ફાઇલ કરનારાઓની સંખ્યા
નાણા રાજ્ય મંત્રી પંકજ ચૌધરીના જણાવ્યા અનુસાર, ભારતની કુલ વસ્તીના માત્ર 6.68% લોકો નાણાકીય વર્ષ 2023-24માં આવકવેરા રિટર્ન ફાઇલ કરે છે. આ વર્ષે કુલ 8.09 કરોડ લોકોએ ITR ફાઈલ કર્યું છે.
Deloitte દ્વારા કરવામાં આવેલા સર્વેમાં કરદાતાઓએ ITR પ્રક્રિયાને સરળ બનાવવા, પ્રોત્સાહનોની ગણતરીને સુવ્યવસ્થિત કરવા અને ફોર્મ 16A જારી કરવાની જરૂરિયાતને દૂર કરવાનું સૂચન કર્યું છે.
તમારે પણ આ સમયમર્યાદાનો લાભ લેવો જોઈએ અને સમયસર તમારું ઈન્કમ ટેક્સ રિટર્ન ફાઈલ કરવું જોઈએ
