ટીમ ઈન્ડિયાનો નિયમિત કેપ્ટન રોહિત શર્મા આગામી વર્લ્ડ કપની તૈયારીમાં વ્યસ્ત છે. ૨૭મી સપ્ટેમ્બરે, રોહિત ઓસ્ટ્રેલિયા સામેની શ્રેણીની ત્રીજી ODI ( IND vs AUS ODI )માં જાેવા મળશે. રોહિતે પોતાની કારકિર્દીમાં ઓપનર તરીકે ઘણા રેકોર્ડ પોતાના નામે કર્યા છે. તેણે હવે તેના ફેવરિટ ઓપનિંગ પાર્ટનરનું નામ જાહેર કર્યું છે.
હાલમાં યુવા બેટ્સમેન શુભમન ગિલ રોહિત શર્માની સાથે ઇનિંગ્સની શરૂઆત કરતો જાેવા મળી રહ્યો છે. આ પહેલા કેએલ રાહુલે પણ રોહિતની સાથે ઓપનિંગની જવાબદારી લીધી છે. રોહિતે ટીમના પૂર્વ કેપ્ટન વિરાટ કોહલી સાથે પણ ભાગીદારી કરી છે. જાેકે, જ્યારે તેને તેના મનપસંદ બેટિંગ પાર્ટનર વિશે પૂછવામાં આવ્યું તો તેણે તેમાંથી કોઈનું નામ લીધું ન હતું.
રોહિત શર્માએ ભારતના અનુભવી અને શક્તિશાળી બેટ્સમેન શિખર ધવનને પોતાનો ફેવરિટ બેટિંગ પાર્ટનર ગણાવ્યો છે. બંનેએ ઘણા વર્ષો સુધી એકસાથે ઇનિંગ્સની શરૂઆત કરી હતી. એટલું જ નહીં, ટીમ ઈન્ડિયાને ઘણી મેચો જીતાડવામાં પણ તેણે મહત્વની ભૂમિકા ભજવી હતી. જાે કે શિખર હજુ પણ મેદાનથી દૂર છે. તેને ન તો એશિયા કપ અને ન તો વર્લ્ડ કપમાં તક મળી. એટલું જ નહીં ચીનમાં ચાલી રહેલી એશિયન ગેમ્સમાંથી પણ ધવનને નજરઅંદાજ કરવામાં આવ્યો હતો.
ભારતના મુખ્ય ઓપનર રોહિત શર્માએ એક ન્યૂઝ ચેનલને કહ્યું, શિખર ધવન અને મારી વચ્ચે મેદાન પર અને મેદાનની બહાર ખૂબ જ ગાઢ મિત્રતા છે. અમે ઘણા વર્ષોથી સાથે રમ્યા છીએ. આ એક એવી ભાગીદારી છે જેનો ભાગ બનવાનો મને ખૂબ આનંદ થયો. તે (ધવન) ઘણો સકારાત્મક રહે છે. તેની પાસે એક અલગ ઉર્જા છે અને તેની આસપાસ રહેવાની ખૂબ જ મજા આવે છે. અમે ભારત માટે ઓપનિંગ પાર્ટનર તરીકે પણ સારા રેકોર્ડ બનાવ્યા છે.
ODI વર્લ્ડ કપ (ODI વર્લ્ડ કપ-૨૦૨૩) ૫ ઓક્ટોબરથી ભારત દ્વારા યોજવામાં આવનાર છે. આવી સ્થિતિમાં રોહિત પાસે આ ICC ટૂર્નામેન્ટમાં પોતાની ટીમને ચેમ્પિયન બનાવવાની મોટી તક છે. ૨૦૦૭માં ડેબ્યૂ કરનાર રોહિતે મિડલ ઓર્ડરમાં કારકિર્દીની શરૂઆત કરી હતી પરંતુ બાદમાં ઓપનર તરીકે પોતાનું નામ બનાવ્યું હતું. ભારતે ૨૦૧૧ બાદ ICC ODI વર્લ્ડ કપમાં કોઈ ટ્રોફી જીતી નથી, તેથી રોહિત પર મોટી જવાબદારી રહેશે.
