Sensex and Nifty on Friday : વૈશ્વિક બજારોમાં ઉછાળો, રિલાયન્સ ઇન્ડસ્ટ્રીઝમાં ખરીદી અને વિદેશી ભંડોળ દ્વારા ખરીદી વચ્ચે મુખ્ય શેર સૂચકાંકો સેન્સેક્સ અને નિફ્ટી શુક્રવારે પ્રારંભિક વેપારમાં તેમની સર્વકાલીન ઊંચાઈએ પહોંચ્યા હતા. આ સમયગાળા દરમિયાન બીએસઈના 30 શેરો વાળા પ્રમુખ ઈન્ડેક્સ સેન્સેક્સ 308.49 પોઈન્ટના ઉછાળા સાથે 79,551.67 પર પહોંચી ગયા છે. નિફ્ટી 103.75 પોઈન્ટ વધીને 24,148.25ની નવી ઓલ ટાઈમ હાઈ પર છે.
સેન્સેક્સની 30 કંપનીઓમાં સન ફાર્મા, NTPC, ટેક મહિન્દ્રા, રિલાયન્સ ઇન્ડસ્ટ્રીઝ, ટાટા મોટર્સ, એશિયન પેઇન્ટ્સ, ટાટા સ્ટીલ અને નેસ્લેમાં નોંધપાત્ર ઉછાળો જોવા મળ્યો હતો. બીજી તરફ, અદાણી પોર્ટ્સ, અલ્ટ્રાટેક સિમેન્ટ, ઇન્ડસઇન્ડ બેન્ક અને મારુતિ રેડમાં રહ્યા હતા. જિયોજિત ફાઇનાન્શિયલ સર્વિસિસના મુખ્ય રોકાણ વ્યૂહરચનાકાર વીકે વિજયકુમારે જણાવ્યું હતું કે બજારની ગતિ સેન્સેક્સને 80,000ના સ્તરે લઈ જવાની ક્ષમતા ધરાવે છે. શેરબજારના ડેટા અનુસાર, વિદેશી સંસ્થાકીય રોકાણકારો (FII)એ ગુરુવારે રૂ. 7,658.77 કરોડના શેરની ખરીદી કરી હતી. વૈશ્વિક તેલ બેન્ચમાર્ક બ્રેન્ટ ક્રૂડ 0.49 ટકા વધીને $86.81 પ્રતિ બેરલ પર પહોંચી ગયું છે.
