Share market
Asian Paints Share Price: એશિયન પેઇન્ટ્સનો શેર ઘટાડા સાથે ટ્રેડ થઈ રહ્યો છે. શેરમાં 9 ટકાનો ઘટાડો થયો હતો.
શેરબજાર 11 નવેમ્બર 2024 ના રોજ ખુલ્યું: નબળા વૈશ્વિક સંકેતોને કારણે, ભારતીય શેર બજાર સપ્તાહના પ્રથમ ટ્રેડિંગ સત્રમાં ઘટાડા સાથે ખુલ્યું. એશિયન દેશોના બજારોમાં ઘટાડો જોવા મળી રહ્યો છે અને તેના કારણે ભારતીય બજારો પણ ઘટાડા સાથે ખુલ્યા છે. ગિફ્ટ નિફ્ટીએ પહેલાથી જ માર્કેટ નીચા ખુલવાના સંકેતો આપ્યા હતા. સેન્સેક્સ 400 અને નિફ્ટી 118 પોઈન્ટના ઘટાડા સાથે કારોબાર કરી રહ્યો છે.
આ શેરો ફોકસમાં છે
શેરોમાં એશિયન પેઈન્ટ્સના શેરમાં પણ બજાર ખુલતાની સાથે જ ભારે ઘટાડો નોંધાયો હતો. કંપનીના નબળા ત્રિમાસિક પરિણામોને કારણે, ઘણા બ્રોકરેજ હાઉસે સ્ટોક પર તેમના લક્ષ્ય ભાવમાં ઘટાડો કર્યો છે, જેના કારણે એશિયન પેઇન્ટ્સના શેરમાં ઘટાડો થઈ રહ્યો છે. આજના સેશનમાં મારુતિના શેર પણ ફોકસમાં છે. કંપની પોતાની Dezire કારનું નવું મોડલ લોન્ચ કરી રહી છે.
એશિયન બજારોમાં ઘટાડો
એશિયન બજારોમાં નિક્કી 0.39 ટકા, સ્ટ્રેટ ટાઇમ્સ 0.47 ટકા, હેંગસેંગ 2.35 ટકા, તાઇવાન 0.68 ટકા, કોસ્પી 1.27 ટકાના ઘટાડા સાથે કારોબાર કરી રહ્યા છે. શાંઘાઈ માર્કેટ પણ ઘટાડા સાથે કારોબાર કરી રહ્યું છે.
