Stock Market: વૈશ્વિક બજારના મજબૂત સંકેતો અને જીડીપી ગ્રોથ ડેટા બાદ શુક્રવારે શેરબજારમાં ઉછાળો જોવા મળ્યો હતો. ટ્રેડિંગ સેશનની શરૂઆતમાં સેન્સેક્સ અને નિફ્ટીની શરૂઆત લીલા નિશાન સાથે થઈ હતી. હાલમાં સેન્સેક્સ 717.54 (0.99%) પોઈન્ટના વધારા સાથે 73,217.84 પર અને નિફ્ટી 219.05 (1%) પોઈન્ટના વધારા સાથે 22,201.85 પર ટ્રેડ કરી રહ્યો છે. આ સમયગાળા દરમિયાન બેન્ક નિફ્ટી અને નિફ્ટી ફાઇનાન્સમાં પણ વૃદ્ધિ જોવા મળી રહી છે.
સેન્સેક્સ કંપનીઓમાં ટાટા સ્ટીલ, મહિન્દ્રા એન્ડ મહિન્દ્રા, ટાટા મોટર્સ, મારુતિ, જેએસડબલ્યુ સ્ટીલ અને પાવર ગ્રીડના શેરો વધ્યા હતા, જ્યારે સન ફાર્મા, ઈન્ફોસિસ, નેસ્લે ઈન્ડિયા અને હિન્દુસ્તાન યુનિલિવરના શેર નુકસાન સાથે ખુલ્યા હતા.
અગાઉ ગઈકાલે એટલે કે 29મી ફેબ્રુઆરીએ શેરબજારમાં ઉછાળો જોવા મળ્યો હતો. સેન્સેક્સ 195 પોઈન્ટના ઉછાળા સાથે 72,500ના સ્તરે બંધ રહ્યો હતો. નિફ્ટીમાં પણ 31 પોઈન્ટનો ઉછાળો જોવા મળ્યો હતો. 21,982ના સ્તરે બંધ રહ્યો હતો. સેન્સેક્સના 30 શેરોમાંથી 22માં ઉછાળો અને 8માં ઘટાડો જોવા મળ્યો હતો. બેન્કિંગ અને ઓટો શેર્સમાં વધુ ઉછાળો જોવા મળ્યો હતો. પેટીએમના શેર 1.92% વધ્યા હતા.
