Stock market : શેરબજારમાં આજે (28 ઓગસ્ટ) જબરદસ્ત ઉછાળો જોવા મળી રહ્યો છે. નિફ્ટીએ આજે 25,114ની નવી ઓલ ટાઈમ હાઈ બનાવી છે. અત્યારે તે 90 પોઈન્ટના વધારા સાથે તેની ટોચની નજીક ટ્રેડ કરી રહ્યો છે. તે જ સમયે, સેન્સેક્સમાં પણ 230 પોઇન્ટથી વધુનો વધારો થયો છે, તે 81,950 ના સ્તર પર કારોબાર કરી રહ્યો છે.
આજે સતત 10મા દિવસે બજારમાં તેજી છે. NSEના IT સેક્ટરમાં સૌથી વધુ 2.32%નો વધારો થયો છે. તે જ સમયે, હેલ્થકેરમાં 0.62%, ફાર્મામાં 0.49% અને ઓટો સેક્ટરમાં 0.17% નો વધારો થયો છે. જ્યારે બેન્કિંગ, એફએમસીજી, મેટલ અને રિયલ્ટી શેરોમાં ઘટાડો જોવા મળી રહ્યો છે.
. એશિયન માર્કેટમાં જાપાનનો નિક્કી 0.23% અને હોંગકોંગનો હેંગસેંગ 0.98% ડાઉન છે. ચીનનો શાંઘાઈ કમ્પોઝિટ 0.12% અને કોરિયાનો કોસ્પી 0.48% ઘટ્યો હતો.
. NSE ડેટા અનુસાર, વિદેશી રોકાણકારો (FIIs) એ 27 ઓગસ્ટના રોજ ₹1,503.76 કરોડના શેર ખરીદ્યા હતા. આ સમયગાળા દરમિયાન, સ્થાનિક રોકાણકારો (DII) એ ₹604.08 કરોડના શેરનું વેચાણ કર્યું હતું.
. 27 ઓગસ્ટના રોજ અમેરિકન બજારનો ડાઉ જોન્સ 0.024% ના વધારા સાથે 41,250 ના સ્તર પર બંધ થયો હતો. Nasdaq 0.16% વધીને 17,754 પર બંધ થયો. S&P500 0.16% ઘટીને 5,625 પર બંધ થયો.
આ પહેલા ગઈકાલે એટલે કે 27 ઓગસ્ટના રોજ સેન્સેક્સ 13 પોઈન્ટના વધારા સાથે 81,711 ના સ્તર પર બંધ થયો હતો. નિફ્ટીમાં પણ 7 પોઈન્ટનો ઉછાળો જોવા મળ્યો હતો, તે 25,017ના સ્તરે બંધ થયો હતો. સેન્સેક્સના 30 શેરોમાંથી 19માં ઘટાડો અને 11માં તેજી હતી. નિફ્ટીના 50 શેરોમાંથી 31 ઘટ્યા અને 18 વધ્યા.
