DPL 2024: આ બે ખેલાડીઓ એ T20 લીગમાં રચયો ઈતિહાસ.

DPL 2024:   દિલ્હીમાં ભારે વરસાદ થયો છે. દિલ્હી પ્રીમિયર લીગ (DPL)ની એક મેચમાં એટલી મોટી સંખ્યામાં રન બનાવ્યા કે રેકોર્ડ્સ તૂટતા ગયા. શનિવારે દક્ષિણ દિલ્હીના સુપરસ્ટાર બેટ્સમેન આયુષ બદોની અને પ્રિયાંશ આર્યએ સાથે મળીને ઉત્તર દિલ્હી સામે તબાહી મચાવી હતી. બંને બેટ્સમેનોએ ઝડપી સદી ફટકારી હતી. જ્યારે આયુષ બદોનીએ 65 બોલમાં 165 રન બનાવ્યા તો પ્રિયાંશ આર્યએ તોફાન સર્જ્યું અને 50 બોલમાં 120 રન બનાવ્યા. બંને બેટ્સમેનોની મદદથી દક્ષિણ દિલ્હીએ 20 ઓવરમાં 5 વિકેટ ગુમાવીને 308 રન બનાવ્યા હતા. કોઈપણ T-20 લીગમાં આ અત્યાર સુધીનો સૌથી મોટો સ્કોર છે.

SRHનો રેકોર્ડ તૂટ્યો.

T-20 લીગમાં અત્યાર સુધીનો સૌથી વધુ સ્કોર સન રાઇઝર્સ હૈદરાબાદે બનાવ્યો હતો. 15 એપ્રિલે આરસીબી સામે રમાયેલી મેચમાં સન રાઇઝર્સે 287 રન બનાવ્યા હતા. આ રેકોર્ડ શનિવારે તૂટી ગયો હતો. જ્યારે ટી-20 ઈન્ટરનેશનલમાં સૌથી વધુ રનના રેકોર્ડની વાત કરીએ તો આ રેકોર્ડ નેપાળના નામે છે. નેપાળે આ રેકોર્ડ 27 સપ્ટેમ્બર 2023ના રોજ મંગોલિયા સામે બનાવ્યો હતો. નેપાળે 20 ઓવરમાં 314 રન બનાવ્યા હતા.

પ્રિયાંશે 6 બોલમાં 6 સિક્સર ફટકારી હતી.

આ મેચમાં 23 વર્ષના યુવા બેટ્સમેન પ્રિયાંશે એક ખાસ કારનામું કર્યું હતું. પ્રિયાંશે યુવરાજ સિંહનું કારનામું કર્યું અને એક ઓવરમાં 6 સિક્સ ફટકારી. તેણે 12મી ઓવરમાં બોલર મનન ભારદ્વાજને સખત ક્લાસ આપ્યો અને એક પછી એક સ્કાયસ્ક્રેપર સિક્સ ફટકારીને બ્લોકબસ્ટર શો બતાવ્યો. આ સિક્સર સાથે પ્રિયાંશે ઈતિહાસમાં નામ નોંધાવ્યું. પ્રિયાંશે યુવરાજ સિંહની એક્સક્લુઝિવ ક્લબમાં જગ્યા બનાવી છે.