Zomato : ફૂડ ડિલિવરી કંપની Zomato ને જુલાઈ 2017 થી માર્ચ 2021 ના સમયગાળા માટે કુલ 11.81 કરોડ રૂપિયાની GST માંગણીઓ અને દંડના ઓર્ડર મળ્યા છે. કંપનીએ 19 એપ્રિલના રોજ એક્સચેન્જ ફાઇલિંગમાં આ અંગેની માહિતી આપી હતી.
ઓર્ડરને રૂ. 5.9 કરોડની GST માંગ અને એટલી જ રકમના દંડમાં વહેંચવામાં આવ્યો છે. જુલાઈ 2017 થી માર્ચ 2021 વચ્ચે Zomato દ્વારા તેની વિદેશી પેટાકંપનીઓને પૂરી પાડવામાં આવતી નિકાસ સેવાઓ પર સેન્ટ્રલ ગુડ્સ એન્ડ સર્વિસ ટેક્સ, ગુરુગ્રામના એડિશનલ કમિશનર દ્વારા આ GST ઓર્ડર જારી કરવામાં આવ્યો છે.
ગયા મહિને પણ નોટિસ મળી હતી.
તમને જણાવી દઈએ કે, ગયા મહિને Zomatoને નાણાકીય વર્ષ 2018-19 સંબંધિત ગુજરાતના ડેપ્યુટી કમિશનર ઓફ સ્ટેટ ટેક્સ તરફથી GST ઓર્ડર મળ્યો હતો. કંપનીએ એક્સચેન્જ ફાઇલિંગમાં જણાવ્યું હતું કે ઓર્ડરમાં રૂ. 4,11,68,604ના વધારાના વ્યાજ અને પેનલ્ટી ચાર્જની સાથે રૂ. 8,57,77,696ની GST ચૂકવણીની માંગ કરવામાં આવી છે. કંપનીએ કહ્યું કે આ ઓર્ડર GST રિટર્ન અને એકાઉન્ટ્સના ઓડિટ પછી આવ્યો છે.
