Zomato
Zomatoના તાજેતરના પરિણામોને કારણે શેરમાં ભારે ઘટાડો થયો છે. ૨૦૨૪-૨૫ના ત્રીજા ક્વાર્ટરના પરિણામોમાં, કંપનીનો નફો ૫૭.૨ ટકા ઘટીને રૂ. ૫૯ કરોડ થયો, જે પાછલા નાણાકીય વર્ષના સમાન ક્વાર્ટરમાં રૂ. ૧૩૮ કરોડ હતો. આના કારણે, ઝોમેટોનો શેર 9 ટકા ઘટીને રૂ. 218.95 પર બંધ થયો, જે પાછલા સત્રમાં રૂ. 239.75 પર બંધ થયો હતો.
કંપનીએ જણાવ્યું હતું કે નવેમ્બર 2024 થી માંગમાં મંદીનો સામનો કરવો પડ્યો છે, જેના કારણે ખાદ્ય ડિલિવરીમાં પણ ઘટાડો થયો છે. જોકે, છેલ્લા બે વર્ષમાં, ઝોમેટોએ તેના રોકાણકારોને 330 ટકાનું મલ્ટિબેગર રિટર્ન આપ્યું છે, અને તાજેતરના સમયમાં ઘણા બ્રોકરેજ હાઉસે પણ આ સ્ટોક ખરીદવાની ભલામણ કરી છે.
ત્રીજા ક્વાર્ટરમાં કંપનીની કાર્યકારી આવક રૂ. ૫,૪૦૫ કરોડ રહી, જે પાછલા નાણાકીય વર્ષમાં રૂ. ૩,૨૮૮ કરોડ હતી, પરંતુ કુલ ખર્ચ રૂ. ૩,૩૮૩ કરોડથી વધીને રૂ. ૫,૫૩૩ કરોડ થયો છે.પરિણામો પછી, ઝોમેટોનો શેર 8.13 ટકા ઘટીને રૂ. 220.25 પર ટ્રેડ થઈ રહ્યો હતો, અને આ વર્ષે જાન્યુઆરીમાં તેમાં 21 ટકાનો ઘટાડો થયો છે.
