Bajaj Auto’s net profit for the June quarter : ઓટોમોબાઈલ મેન્યુફેક્ચરિંગ કંપની બજાજ ઓટોએ મંગળવારે જણાવ્યું હતું કે એપ્રિલ-જૂન 2024 ક્વાર્ટરમાં તેનો એકીકૃત ચોખ્ખો નફો વાર્ષિક ધોરણે 18 ટકા વધીને રૂ. 1,942 કરોડ થયો છે. બજાજ ઓટોએ શેરબજારમાં જૂન ક્વાર્ટરના નાણાકીય પરિણામોની જાણ કરી હતી. કંપનીએ ગયા નાણાકીય વર્ષના સમાન ક્વાર્ટરમાં રૂ. 1,644 કરોડનો ચોખ્ખો નફો નોંધાવ્યો હતો.
ટુ-વ્હીલર અને થ્રી-વ્હીલર નિર્માતાએ જણાવ્યું હતું કે ચાલુ નાણાકીય વર્ષના પ્રથમ ત્રિમાસિક ગાળામાં તેની ઓપરેટિંગ આવક વધીને રૂ. 11,932 કરોડ થઈ છે, જે એક વર્ષ અગાઉના સમાન સમયગાળામાં રૂ. 10,312 કરોડ હતી. દરમિયાન, કંપનીના બોર્ડ ઓફ ડિરેક્ટર્સે સંગીતા રેડ્ડીને પાંચ વર્ષના સમયગાળા માટે કંપનીના એડિશનલ ડિરેક્ટર (નોન-એક્ઝિક્યુટિવ ઈન્ડિપેન્ડન્ટ ડિરેક્ટર) તરીકે નિયુક્ત કરવાના પ્રસ્તાવને મંજૂરી આપી દીધી છે.
