Budget 2024: Traders to get Rs. 100 crores સુધીની લોન, નાણામંત્રીએ MSME માટે કરી મોટી જાહેરાતો.

Budget 2024:  નાણામંત્રી નિર્મલા સીતારમણે આજે લોકસભામાં તેમનું 7મું બજેટ રજૂ કર્યું. આ સિવાય મોદી સરકાર 3.0નું આ પહેલું પૂર્ણ બજેટ પણ છે. બજેટમાં નાણામંત્રીએ નાના અને મધ્યમ ઉદ્યોગોને લઈને ઘણી મોટી જાહેરાતો કરી છે. નાણામંત્રીએ બજેટમાં MSME માટે નાણાકીય પેકેજની જાહેરાત કરી છે. નિર્મલા સીતારમણે કહ્યું કે MSME માટે ક્રેડિટ ગેરંટી સ્કીમ બનાવવામાં આવશે. જ્યારે મુદ્રા લોનની મર્યાદા 10 લાખ રૂપિયાથી વધારીને 20 લાખ રૂપિયા કરવામાં આવી છે. નવી સ્કીમ દ્વારા MSMEને 100 કરોડ રૂપિયા સુધીની લોન આપવામાં આવશે.

MSME માટે નવી સિસ્ટમની જાહેરાત.

આ સિવાય નાણામંત્રીએ એક નવી સિસ્ટમ લાગુ કરી છે જેથી MSME સેક્ટરને સરળતાથી બેંક લોન મળી શકે. આ સિવાય ટ્રેડર્સ પ્લેટફોર્મ પર ખરીદદારોનો સમાવેશ ફરજિયાત બનાવવા માટે ટ્રેડિંગ લિમિટ 500 કરોડ રૂપિયાથી ઘટાડીને 250 કરોડ રૂપિયા કરવામાં આવશે. MSME સેક્ટરમાં 50 મલ્ટિ-પ્રોડક્ટ ફૂડ ઇરેડિયેશન યુનિટ સ્થાપવા માટે મદદ પૂરી પાડવામાં આવશે. પરંપરાગત કારીગરો વૈશ્વિક બજારમાં તેમનો માલ વેચી શકે તે માટે PPP મોડમાં ઈ-કોમર્સ નિકાસ કેન્દ્રો સ્થાપવામાં આવશે.