Direct Tax Collections
Direct Tax Collections: ડાયરેક્ટ ટેક્સ કલેક્શન 21.48 ટકા વધીને રૂ. 12 લાખ કરોડ, એડવાન્સ ટેક્સ કલેક્શન 22.61 ટકા વધ્યું.
Direct Tax Collections: ઈન્કમ ટેક્સ ડિપાર્ટમેન્ટે ડાયરેક્ટ ટેક્સ કલેક્શનનો ડેટા જાહેર કર્યો છે. નાણાકીય વર્ષ 2024-25 માટે 17 સપ્ટેમ્બર, 2024 સુધી ગ્રોસ ડાયરેક્ટ ટેક્સ કલેક્શનમાં 21.48 ટકાનો ઉછાળો આવ્યો છે અને તે 12,01,073 કરોડ રૂપિયા સુધી પહોંચી ગયો છે. જ્યારે નેટ ડાયરેક્ટ ટેક્સ કલેક્શન 16.12 ટકાના ઉછાળા સાથે રૂ. 9,95,766 કરોડ થયું હતું. આવકવેરા વિભાગે એડવાન્સ ટેક્સ કલેક્શનનો ડેટા પણ જાહેર કર્યો છે, જે મુજબ પર્સનલ ઈન્કમ ટેક્સ કલેક્શનમાં 18.17 ટકાની વૃદ્ધિ જોવા મળી છે.
19 સપ્ટેમ્બર, 2024 સુધીના ડાયરેક્ટ ટેક્સ કલેક્શનનો ડેટા જાહેર કરતી વખતે સેન્ટ્રલ બોર્ડ ઓફ ડાયરેક્ટ ટેક્સે જણાવ્યું હતું કે કુલ ટેક્સ કલેક્શન 21.48 ટકાના ઉછાળા સાથે રૂ. 12,01,073 કરોડ થયું છે. રિફંડમાં 56.49 ટકાનો વધારો થયો છે અને તે રૂ. 2,05,307 કરોડ થયો છે. જે પછી નેટ ડાયરેક્ટ ટેક્સ કલેક્શન 16.12 ટકા વધીને 9,95,766 કરોડ રૂપિયા થઈ ગયું છે.
ડેટા અનુસાર, નાણાકીય વર્ષ 2024-25 માટે 17 સપ્ટેમ્બર, 2024 સુધી 4,36,067 કરોડ રૂપિયાનો એડવાન્સ ટેક્સ પ્રાપ્ત થયો છે, જે ગયા નાણાકીય વર્ષમાં આ સમયગાળા દરમિયાન 3,55,660 કરોડ રૂપિયા વસૂલવામાં આવ્યો હતો. એટલે કે વર્તમાન નાણાકીય વર્ષમાં એડવાન્સ ટેક્સમાં 22.61 ટકાનો ઉછાળો આવ્યો છે. ચાલુ નાણાકીય વર્ષમાં એડવાન્સ ટેક્સ કલેક્શન 18.17 ટકાના વધારા સાથે રૂ. 3,31,730 કરોડ થયું છે, જ્યારે વ્યક્તિગત આવકવેરા એડવાન્સ ટેક્સ કલેક્શન 39.22 ટકાના વધારા સાથે રૂ. 1,04,336 કરોડ થયું છે. ચાલુ નાણાકીય વર્ષના બીજા ક્વાર્ટર માટે એડવાન્સ ટેક્સ જમા કરવાની છેલ્લી તારીખ 15 સપ્ટેમ્બર હતી.
