હિટ એન્ડ રન કાયદાને લઈને ભારતમાં વિરોધ પ્રદર્શન ચાલુ છે. પરંતુ અન્ય દેશોમાં ભારત કરતાં વધુ કડક કાયદા છે. આજે અમે તમને જણાવીશું કે અન્ય દેશોમાં હિટ એન્ડ રન કેસમાં શું સજા થાય છે.
- કેન્દ્ર સરકારના નવા હિટ એન્ડ રન કાયદાને લઈને દેશભરમાં હડતાળ ચાલી રહી છે. આ હડતાળના કારણે સામાન્ય નાગરિકોને અનેક સમસ્યાઓનો સામનો કરવો પડી રહ્યો છે. પરંતુ શું તમે જાણો છો કે અન્ય દેશોમાં હિટ એન્ડ રનને લઈને શું કાયદો અને સજા છે? આજે અમે તમને જણાવીશું કે ભારત સિવાય અન્ય દેશોમાં સજાની જોગવાઈઓ શું છે.
જાણો UAE માં શું છે કાયદો
- સંયુક્ત આરબ અમીરાત (UAE)માં હિટ એન્ડ રનના કેસમાં કડક કાર્યવાહી કરવામાં આવે છે. UAEમાં હિટ એન્ડ રનના કેસમાં કલમ 5(1) મુજબ, વિદેશમાં હિટ એન્ડ રનના કાયદા ભારત કરતાં વધુ કડક છે, UAEમાં રૂ. 56 લાખ સુધીનો દંડ.
- ડ્રાઈવરે પહેલા વાહન સંબંધિત દસ્તાવેજો પોલીસને સોંપવાના હોય છે. આ સ્થિતિમાં ઘટનાસ્થળે પોલીસ ન હોય તો ઘટનાના 6 કલાકમાં પોલીસ સ્ટેશનમાં ઘટનાની માહિતી આપવી પડે છે. આવી સ્થિતિમાં, જો પોલીસને માહિતી આપવામાં વિલંબ થાય છે, તો તેનું કારણ પણ જણાવવું પડશે. જો ડ્રાઇવરની ભૂલ હોય તો તેને સજા તરીકે 56 લાખ રૂપિયાનો દંડ ભરવો પડે છે અને તેનું લાઇસન્સ રદ કરવામાં આવે છે.
સાઉદી આરબ
- સાઉદી અરેબિયાનો કાયદો ઘણો કડક છે. અહીંનો કાયદો કહે છે કે અકસ્માતના પરિણામે સામેની વ્યક્તિનું મૃત્યુ થાય તો ડ્રાઇવરને ચાર વર્ષની જેલની સજા અથવા તેની પાસેથી 44,44,353 રૂપિયાનો દંડ વસૂલવામાં આવશે. સાઉદી અરેબિયાના ટ્રાફિક રેગ્યુલેશન એમેન્ડમેન્ટ અનુસાર, અકસ્માતના કિસ્સામાં ઘાયલ વ્યક્તિને હોસ્પિટલમાં લઈ જવામાં આવે છે અને દોષિત ડ્રાઈવરને 2 વર્ષની જેલ અને 22,000 રૂપિયાનો દંડ ભરવો પડે છે.
કેનેડા
- કેનેડાનો કાયદો પણ આ બાબતોમાં કડક છે. કેનેડાનો ફોજદારી સંહિતા વિભાગ સે. 252(1) મુજબ જો કોઈ વ્યક્તિ અકસ્માતમાં ઘાયલ થાય તો દોષિત ડ્રાઈવરને 5 વર્ષની જેલ થશે. અકસ્માતમાં મૃત્યુના કિસ્સામાં દોષિત ડ્રાઇવરને આજીવન કેદની સજા થશે.
અમેરિકા
- અમેરિકાના વિવિધ રાજ્યોમાં અલગ-અલગ નિયમો છે. જોકે મોટા ભાગના રાજ્યોમાં ડ્રાઈવરે પોલીસને અકસ્માતની જાણ કરવી પડે છે. જો તે આવું નહીં કરે તો તેને દંડની સાથે 10 વર્ષની જેલ થઈ શકે છે.
બ્રિટન
- બ્રિટનમાં જો ડ્રાઈવર અકસ્માત સ્થળે હાજર હોય તો તેને ઓછી સજા મળે છે. જો ડ્રાઈવર સ્થળ પરથી ભાગી જાય તો તેને વધુ સજા થાય છે. આ સ્થિતિમાં, દોષિત ડ્રાઇવર પાસેથી અમર્યાદિત દંડ વસૂલ કરી શકાય છે. આ સિવાય 6 મહિનાની જેલ થઈ શકે છે.
