iQOO 12 : સ્માર્ટફોન બ્રાન્ડ ‘iQOO’ને ભારતમાં આવ્યાને 4 વર્ષ થઈ ગયા છે. આ બ્રાન્ડના સ્માર્ટફોને ઓછા સમયમાં લોકપ્રિયતા મેળવી છે. આની ઉજવણી કરીને, કંપની ‘iQOO 12 એનિવર્સરી એડિશન’ સ્માર્ટફોન રજૂ કરવા જઈ રહી છે. તેની કિંમત 50 હજાર રૂપિયાથી વધુ હશે. જોકે, બેંક ડિસ્કાઉન્ટને કારણે ફોન ઓછી કિંમતે ખરીદી શકાય છે. નવા IQ ફોનમાં 6.78 ઇંચની LTPO AMOLED ડિસ્પ્લે હશે. 5,000mAh બેટરી હશે. આ ફોન Snapdragon 8 Gen 3 SoC થી સજ્જ છે અને 16 GB રેમ સુધી સપોર્ટ કરે છે.
iQOO 12 એનિવર્સરી એડિશનની કિંમત
iQOO 12 ડેઝર્ટ રેડ એનિવર્સરી એડિશન આ અઠવાડિયાની શરૂઆતમાં ટીઝ કરવામાં આવી હતી. ફોનના 12GB + 256GB વેરિઅન્ટની પ્રારંભિક કિંમત 52,999 રૂપિયા છે. ફોનના 16GB + 512GB વેરિઅન્ટની કિંમત 57,999 રૂપિયા છે. ફોન એમેઝોન અને iQOOની ઓફિશિયલ વેબસાઈટ પરથી ખરીદી શકાય છે. પહેલું વેચાણ 9 એપ્રિલે થશે.
iQOO 12 એનિવર્સરી એડિશન વિશિષ્ટતાઓ
iQOO 12નું નવું વેરિઅન્ટ મૂળ વેરિઅન્ટ જેવું જ છે. તેને ગયા વર્ષે ડિસેમ્બરમાં લોન્ચ કરવામાં આવી હતી. એનિવર્સરી એડિશન તેના ડેઝર્ટ રેડ કલર દ્વારા અલગ પડે છે. અત્યાર સુધી આ ફિનિશ માત્ર ચીનના માર્કેટમાં જ ઉપલબ્ધ હતું અને હવે તે ભારતમાં પણ ઉપલબ્ધ થશે.
ફોનમાં 6.78 ઇંચની LTPO AMOLED ડિસ્પ્લે છે. તે FHD+ રિઝોલ્યુશન, 144Hz રિફ્રેશ રેટ, HDR10+ અને 3,000 nits પીક બ્રાઇટનેસ આપે છે. iQOO 12 એનિવર્સરી એડિશનમાં Qualcommનું Snapdragon 8 Gen 3 પ્રોસેસર છે. ફોનમાં 5 હજાર એમએએચની બેટરી છે, જે 120 વોટ ફાસ્ટ ચાર્જિંગને સપોર્ટ કરે છે.
