Cryptocurrency exchange WazirX : ભારતીય ક્રિપ્ટોકરન્સી એક્સચેન્જ વઝીર-એક્સ પર મોટો સાયબર હુમલો થયો છે. હેકર્સે એક્સચેન્જ વોલેટમાંથી $230 મિલિયન (આશરે રૂ. 1,923 કરોડ)ની ડિજિટલ સંપત્તિની ચોરી કરી હતી. કંપનીએ પણ આ ચોરીની પુષ્ટિ કરી છે અને કહ્યું છે કે મલ્ટીસિગ વોલેટમાંથી એકમાં સુરક્ષા ભંગ થયો છે. આ સાયબર હુમલા પાછળ ઉત્તર કોરિયાના હેકર્સનો હાથ છે. કંપનીએ ચોરીની પુષ્ટિ કરી છે અને ભારતીય રૂપિયા અને ક્રિપ્ટોકરન્સીના ઉપાડને રોકવા માટે તાત્કાલિક પગલાં લીધાં છે. ચોરી થયેલી ક્રિપ્ટોકરન્સીમાં શિબુ ઇનુ વધુ છે. WazirX પોતાને ‘Bitcoin of India’ કહે છે.
Wazir-X એ સોશિયલ મીડિયા પ્લેટફોર્મ ‘X’ પર લખ્યું, “અમે જાણ્યું છે કે અમારા મલ્ટિસિગ વૉલેટમાંથી એકમાં સુરક્ષા ભંગ થયો છે. અમારી ટીમ ઘટનાની તપાસ કરી રહી છે. તમારી સંપત્તિની સલામતીની ખાતરી કરવા માટે, ભારતીય રૂપિયો અને ક્રિપ્ટો ઉપાડ અસ્થાયી રૂપે અટકાવવામાં આવશે. તમારી ધીરજ અને સમજણ બદલ આભાર. અમે તમને વધુ અપડેટ્સ સાથે માહિતગાર રાખીશું.”
ક્રિપ્ટો સ્ટોરેજ પ્રદાતા લિમિનલ કસ્ટડીએ કહ્યું છે કે તેના પ્લેટફોર્મનો ભંગ થયો નથી. પ્રારંભિક તપાસમાં જાણવા મળ્યું છે કે જે વોલેટને નિશાન બનાવવામાં આવ્યું હતું તે લિમિનલ ઇકોસિસ્ટમની બહાર બનાવવામાં આવ્યું હતું. કંપનીએ કહ્યું છે કે લિમિનલ પ્લેટફોર્મ પર ઉપલબ્ધ તમામ WazirX વોલેટ સુરક્ષિત છે.
ભારતીય ક્રિપ્ટો ઉદ્યોગને મોટો ફટકો.
WazirX પરનો આ હુમલો ભારતીય ક્રિપ્ટો ઉદ્યોગ માટે મોટો ફટકો છે. આનાથી ક્રિપ્ટો એક્સચેન્જો પર તેમના ભંડોળની સુરક્ષા અંગે વપરાશકર્તાઓમાં ચિંતા વધી છે. CoinDCXના સહ-સ્થાપક નીરજ ખંડેલવાલે પણ આ હુમલા પર પ્રતિક્રિયા આપી છે. તેણે કહ્યું,
