Punjab government : પંજાબીઓની સુવિધા માટે પંજાબ સરકારે દિલ્હીના ઈન્દિરા ગાંધી ઈન્ટરનેશનલ (IGI) એરપોર્ટ પર સુવિધા કેન્દ્ર શરૂ કર્યું છે. મુસાફરો માટે મદદ કેન્દ્ર નંબર (011-61232182) જારી કરવામાં આવ્યો છે, જેનો ઉપયોગ મુસાફરો કોઈપણ સમયે મદદ મેળવવા માટે કરી શકે છે.
આ અંગે સી.એમ. માને ટ્વીટ કર્યું, “થોડા દિવસો પહેલા મેં કહ્યું હતું કે પંજાબીઓને મદદ કરવા માટે અમે દિલ્હી એરપોર્ટ પર પંજાબ હેલ્પ સેન્ટર ખોલવા જઈ રહ્યા છીએ અને મને એ કહેતા આનંદ થાય છે કે આજે અમે તેને પંજાબીઓને સમર્પિત કરવા જઈ રહ્યા છીએ.”… મને આશા છે કે અમારી સરકારની આ પહેલ પંજાબીઓ અને એનઆરઆઈની સમસ્યાઓમાં ઘટાડો કરશે…” તમને જણાવી દઈએ કે IGI એરપોર્ટના ટર્મિનલ 3 પર પંજાબીઓ માટે એક સુવિધા કેન્દ્ર બનાવવામાં આવ્યું છે, અહીં પંજાબના મુસાફરો, NRI અને તેમના સંબંધીઓ કનેક્ટિંગ ફ્લાઈટ્સ, ટેક્સી સેવાઓ, ખોવાયેલ સામાન અને અન્ય વસ્તુઓમાં મદદ મેળવી શકશે.
