Arvind Kajriwal : દિલ્હીના સીએમ અને આમ આદમી પાર્ટીના કન્વીનર અરવિંદ કાજરીવાલને દારૂ નીતિ મામલે હાઈકોર્ટમાંથી રાહત મળી નથી. દિલ્હી હાઈકોર્ટે 21 માર્ચ (ગુરુવારે) કહ્યું, “અમે અરવિંદ કેજરીવાલની ધરપકડને લઈને કોઈ વચગાળાની સુરક્ષા આપી શકીએ નહીં.” અગાઉ કેજરીવાલે કોર્ટને કહ્યું હતું કે તેઓ એન્ફોર્સમેન્ટ ડિરેક્ટોરેટ સમક્ષ હાજર થવા તૈયાર છે, પરંતુ તેમને ખાતરી હોવી જોઈએ કે તપાસ એજન્સી તેમની ધરપકડ નહીં કરે. આ કેસમાં દિલ્હી હાઈકોર્ટે EDને જવાબ આપવા અને નવી વચગાળાની અરજી દાખલ કરવા પણ કહ્યું છે. આ કેસની આગામી સુનાવણી 22 એપ્રિલે થશે.
કેજરીવાલે EDના 9મા સમન્સને દિલ્હી હાઈકોર્ટમાં પડકાર્યો હતો. EDએ 17 માર્ચે કેજરીવાલને 9મું સમન્સ મોકલ્યું હતું. કેજરીવાલ 19 માર્ચે સમન્સ સામે હાઈકોર્ટ પહોંચ્યા હતા. તેમની અરજી પર 20 માર્ચે સુનાવણી થઈ હતી. EDને વારંવાર સમન્સ મોકલવા બદલ કોર્ટે સમન્સ પણ પાઠવ્યું હતું.
