Income tax return file : આવકવેરા રિટર્ન ફાઈલ કરવાની છેલ્લી તારીખ 31 જુલાઈ છે અને આ સમયમર્યાદા પૂરી થવામાં માત્ર પાંચ દિવસ બાકી છે. આવકવેરા વિભાગ છેલ્લા બે અઠવાડિયાથી આવકવેરા ભરનારાઓને આવકવેરા રિટર્ન ભરવાની યાદ અપાવવા માટે સતત ટેક્સ્ટ સંદેશા મોકલી રહ્યું છે. પરંતુ તેમ છતાં જો તમે સમયસર ઈન્કમ ટેક્સ રિટર્ન ફાઈલ ન કરો તો તમને ન માત્ર ભારે દંડ થઈ શકે છે પરંતુ ઈન્કમ ટેક્સ એક્ટમાં 6 મહિનાની જેલની જોગવાઈ પણ છે. જો તમે તમારું આવકવેરા રિટર્ન ફાઈલ કર્યું નથી, તો આગામી ચાર દિવસમાં આ જવાબદારી પૂર્ણ કરો. અન્યથા તમે મુશ્કેલીમાં મુકાઈ શકો છો. આવકવેરા રિટર્ન સમયસર ન ભરવાના કિસ્સામાં, આવકવેરા વિભાગ તમને નોટિસ મોકલી શકે છે અને તમને ડિફોલ્ટર પણ જાહેર કરી શકાય છે. જો કે, 31 જુલાઈ પછી, 5,000 રૂપિયાની લેટ ફી સાથે ડિસેમ્બર સુધી આવકવેરા રિટર્ન ફાઈલ કરી શકાય છે પરંતુ જો તમારી આવક પ્રતિ વર્ષ 5 લાખ રૂપિયાથી ઓછી છે તો તમારે 5,000 રૂપિયાનો દંડ ભરવો પડશે.
જે આવકવેરાદાતાઓ વધુ આવક ધરાવતા હોય અને આવકવેરા વિભાગને ચૂકવણી કરવી પડે. આ સાથે, તેઓએ આવકવેરા કાયદાની કલમ 234A હેઠળ ટેક્સની કુલ રકમ પર દર મહિને 1 ટકા વ્યાજ ચૂકવવું પડશે. જો તમે આમ નહીં કરો તો આ કાયદાની કલમ 140 A(3) હેઠળ તમારા પર વધુ દંડ લાદવામાં આવી શકે છે. ગયા વર્ષે દિલ્હીમાં એક મહિલાને સમયસર આવકવેરા રિટર્ન ન ભરવા બદલ છ મહિનાની જેલની સજા ફટકારવામાં આવી હતી. જો તમારી પાસે આવકવેરા વિભાગનું 25,000 રૂપિયાથી વધુનું દેવું છે, તો આવી સ્થિતિમાં રિટર્ન ફાઈલ ન કરવા પર 6 મહિનાથી લઈને સાત વર્ષ સુધીની સજાની જોગવાઈ છે.