Vinesh Phogat : હરિયાણા સરકારે વિનેશ ફોગાટ માટે મોટી જાહેરાત કરી છે. મુખ્યમંત્રી નાયબ સિંહ સૈનીએ ગુરુવારે ટ્વીટ કર્યું કે હરિયાણા સરકાર સિલ્વર મેડલ વિજેતાની જેમ વિનેશ ફોગાટનું સ્વાગત અને સન્માન કરશે. હરિયાણા માટે વિનેશ ચેમ્પિયન છે. હરિયાણામાં ઓલિમ્પિક મેડલ વિજેતાઓને જે સન્માન મળે છે.વિનેશ ફોગાટ ને પણ રાજ્ય સરકાર તરફથી સમાન સન્માન, પુરસ્કાર અને સુવિધાઓ મળશે.
હરિયાણા સરકાર કેટલું ઈનામ આપે છે?
હરિયાણા સરકાર તેના ખેલાડીઓ માટે ઉદારતાથી ખર્ચ કરે છે. નિયમો અનુસાર હરિયાણાના ગોલ્ડ મેડલ વિજેતા ખેલાડીને ઈનામ તરીકે 6 કરોડ રૂપિયા આપવામાં આવે છે. સિલ્વર મેડલ વિજેતાને 4 કરોડ રૂપિયા અને બ્રોન્ઝ મેડલ વિજેતાને 2.5 કરોડ રૂપિયા ઈનામ તરીકે આપવામાં આવે છે. આ ઉપરાંત રાજ્ય સરકાર ઓલિમ્પિકમાં ભાગ લેનાર ખેલાડીઓને 15 લાખ રૂપિયા ઈનામ તરીકે પણ આપે છે. ગોલ્ડ મેડલ જીતનાર ખેલાડીને ગ્રુપ Aની સરકારી નોકરી આપવામાં આવે છે. સિલ્વર મેડલ વિજેતાને ગ્રુપ-બીની નોકરી આપવામાં આવે છે અને બ્રોન્ઝ મેડલ વિજેતાને ગ્રુપ-સીની નોકરી આપવામાં આવે છે.
હરિયાણાના મુખ્યમંત્રી નાયબ સિંહ સૈનીએ ઈન્સ્ટાગ્રામ પર પોસ્ટ કર્યું કે ‘અમારી બહાદુર પુત્રી હરિયાણાની વિનેશ ફોગટે જબરદસ્ત પ્રદર્શન કર્યું અને ઓલિમ્પિકમાં ફાઇનલમાં પ્રવેશ કર્યો. કેટલાક કારણોસર, તે ભલે ઓલિમ્પિક ફાઈનલ રમી શકી ન હોય, પરંતુ તે આપણા બધા માટે ચેમ્પિયન છે. અમારી સરકારે નક્કી કર્યું છે કે વિનેશ ફોગાટનું મેડલ વિજેતાની જેમ સ્વાગત અને સન્માન કરવામાં આવશે. ઓલિમ્પિક સિલ્વર મેડલ વિજેતાને હરિયાણા સરકાર જે તમામ સન્માન, પુરસ્કારો અને સુવિધાઓ આપે છે તે વિનેશ ફોગાટને પણ કૃતજ્ઞતા સાથે આપવામાં આવશે. અમને તારા પર ગર્વ છે વિનેશ!’
વિનેશ ફોગાટને ગેરલાયક ઠેરવવામાં આવ્યા હતા.
તમને જણાવી દઈએ કે વિનેશ ફોગાટને વધુ વજનના કારણે પેરિસ ઓલિમ્પિકમાંથી અયોગ્ય જાહેર કરવામાં આવી હતી. સેમિફાઇનલ દરમિયાન વિનેશ ફોગાટનું વજન એકદમ પરફેક્ટ હતું. તેનું વજન 50 કિલોથી ઓછું હતું. પરંતુ સેમી ફાઈનલ અને ફાઈનલ વચ્ચેના ડાયટને કારણે વિનેશનું વજન વધી ગયું હતું. તમામ પ્રયાસો છતાં વિનેશનું વજન ઓછું ન થયું. વિનેશનું વજન નિર્ધારિત 50 કિલો કરતાં 100 ગ્રામ વધુ હતું. જેના કારણે વિનેશને ફાઈનલ પહેલા ગેરલાયક ઠેરવવામાં આવી હતી.
દરમિયાન, વિનેશ ફોગટના કાકા મહાવીર ફોગટે કહ્યું છે કે તેઓ વિનેશને નિવૃત્તિ ન લેવા માટે સમજાવશે. હજુ વધુ રમવાનું છે. ઓલિમ્પિક 2028 માટે તૈયારીઓ કરવી પડશે. જોકે, મહાવીર ફોગાટના નિવેદન પર વિનેશ તરફથી કોઈ પ્રતિક્રિયા આવી નથી.
